АКУШСКИЙ Израиль Яковлевич (30.7.1911, Украина, Днепропетровск — 2.4.1992, Мәскеу) — ғалым, тех. ғыл. докт. (1961), проф. (1966), Қазақстан ҒА-ның корр. мүшесі (1970). Мәскеу мемл. ун-тін бітірген (1932). 1953 — 56 ж. Қазақстан ҒА-ның Машина және есептеу матем. лабораториясының меңгерушісі болды. А. есептеу матем-сы мен тех-сы саласында қалдықтар кластары жүйесіндегі жаңа бағыттың, есептеу процестерін ұйымдастыру мәселелерінің негізін салған. Сондай-ақ есептеу теориясын, бағдарламалау негіздерін, қолданбалы инж. шешімдер мәселесін зерттеген.