АҚ БАЛДАҚ, көк балдақ — қылыш, семсерлердің халық ауыз әдебиетінде кездесетін атауы. Семсер, қылыштардың қолға ұсталатын балдағы қарудың маңызды бөлігі болғандықтан, оның атауы қарудың өз атауы ретінде де қолданылады. Дұшпан қаруының жүзіне қарсы тұру үшін семсер, қылыштардың балдағы да болаттан жасалған. Соғылған болатының түсіне қатысты оның атауына “ақ” (көк) сөзі қосылып А. б. (көк балдақ) сөздері қылыштың синонимына айналған.