АЙТАҚОВ Нәдірбай (1894, Маңғыстау түбегі — 1938) — мемлекет қайраткері. Балықшы отбасында туған, әкесі — түрікмен, анасы – қазақ қызы. 1920 жылдан бастап ауылдық, болыстық, уездік, қалалық (Красноводск) Кеңестердің АК-нің басшысы. 1923 — 24 ж. Түркістан АКСР- ы ОАК төрағасының орынбасары, төрағасы. 1924 жылғы қарашадан Түрікменстан ревкомының басшысы. 1925 ж. ақпанда Түрікменстан КСР-ы құрылғанда, оның ОАК-нің тұңғыш төрағасы болып сайланды. Саяси қуғын-сүргіннің құрбаны болды.