АЙБАС-ҚАЙБАС — Каспий маңы ойпатындағы шалғынды жазық сор. Ол Батыс Казақстан обл. Орда ауд-ндағы Нарын құмының солт. жағын, шағын Берішарал өз. мен Аралсор көлі аралығын алып жатыр. Ұз. 20 км, ені 10 км, абс. биікт. 45 м. Төрттік кезеңнің құмдақты және құмды шөгінділерінен түзілген. Оның шалғынды қызыл қоңыр және бозғылт қызыл қоңыр сортанды топырағында жусан, қоңырбасты, көкпек, т.б. өсімдіктер өседі.