“АЗИЯ ДАУЫСЫ” — Азияның музыка өнеріндегі танымал әндер мен талантты орындаушылардың жыл сайын Алматыда өтетін халықаралық байқауы. 1-рет 1990 ж. Медеу мұз айдынының кешенінде өтті. Бас жүлдені Өзбекстаннан келген “Карс” тобы жеңіп алды. Содан бері Женева Круз (Филиппин, 1991), Шахназ Сүймер (Түркия, 1992), Сара (Монғолия, 1993), Соябей (Түркия, 1994), Барт Бисли (АҚШ, 1995), Бауыржан Иса- ев (Кэзақстан, 1996), “АВ-3” (Индонезиялықтоп, 1997) си- яқты өнерпаздар мен өнер ұжымдары бас жүлдені иеленді. 1993 ж. “А. д.” ФИДОФ- тың (Халықар. фестивальдар ұйымдастыру федерациясы) мүшелігіне қабылданды. 1994 ж. Канн (Франция) қ-да өткен әлемдік шоу-бизнесте арнаулы жүлдеге ие болды. 1996 ж. бастап “А. д.” байқауы аясында Қазақстан әндерінің байқауы тұрақты өтеді. Оған арналған “Алтын домбыра” жүлдесін алғашқы жылы М. Жүнісова мен Н. Ескалиева, 1997 ж. Р. Рымбаева жеңіп алды. 1997 ж. . “А. д.” халықар. “Интернет-сервер” ақпарат арнасына қосылды. “А. д.” конкурсының Бас жүлде, алтын, күміс және қола бәйгесіне қоса Алматы қ-ның мэрі, демеушілер тағайыңдаған әр түрлі ынталандыру сыйлықтары бар. Бірінші конкурстан бастап “А. д-ның” шақыруымен Патрисия Каас, Пупо, Тото Кутуньо, Джимми Саммервил, Митхун Чакраборти, Сонер Ариджа, А. Пугачева, Ф. Киркоров, В. Леонтьев, “Бони-М”, “Хаддуэй” топтары сияқты әлемдік эстрада майталмандары Медеу мұз айдыны сахнасында конкурстан тыс өнер көрсетті. 1996 ж. “А. д-на” бес құрлықтың өкілі қатысты. 1997 жылғы конкурстың ашылу салтанатында Еуразиялық фестивальдар ассоциациясының ұйғарымымен ғарыштағы бір жарық жұлдызға “А. д.” аты берілгені жайлы Швейцариядан жіберілген регистр конкурс директорына тапсырылды. 1998 жылғы тоғызыншы конкурсқа әлемнің төрт бұрышынан өтініш білдіргендерден таңдап алынған 20 елдің 21 өнерпазы қатысты. Бас жүлдені Италиядан келген Лука Сепе жеңіп алды. 1998 жылғы конкурс қорытындысында ФИДОФ-тың халықар. өнер фестивальдерін кәсіби жоғары дәрежеде насихаттағаны үшін журналистерге жыл сайын берілетін арнайы белгісі “А. д-ның” баспасөз хатшысы Ф. Бегенбаеваға тапсырылды.