АҒАШЖЕГІ (Cossidae) — көбелектер отрядының ағаш-жегілер тұқымдасына жататын жәндіктер. Казақстанның барлық обл-тарында кездеседі. 10-нан астам түрі бар, ең көп тарағаны — сексеуіл А. мен иісті А. Дене тұрқы кішкентай, қанатының жайылған- дағы ұз. 23 — 85 мм. А-нің жұлдызқұрты ағаштың өркендерін тесіп, ішін бойлай ұзын жолдар салады да, сонда қыстап шығады. Өсімтал келеді. Маусым-шілде айларында ұшып шығып, кейде 1000 жұмыртқаға дейін салады. Даму циклы 2-3 жыл. А-нің жасаған зияны салдарынан ағаштар кейде қурап қалады. Әсіресе, жас жеміс беретін ағаштарға көп зиян келтіреді. Күрес шаралары: ағаш түбіне топырақ, көң, әк қоспасын жағады да, құрт жолдарына әр түрлі улы ерітінділер бүркеді; закымданған ағашты не ағаш бұтақтарын қырқып алып тастайды.