АВИАТАСЫҒЫШ— негізгі ұрыс қаруы палубалық ұшақтар мен тікұшақтар болып табылатын ауыр әскери кеме. Тұңғыш рет І-дүн. жүз. соғыста пайдаланылған. 2-дүн. жүз. соғыста АҚШ, Ұлыбритания, Жапония және Франция флоттарында қолданылды. Кейіннен, әсіресе, АҚШ әскери-теңіз флотында жетілдіріле түсті. Көп мақсатты, ұрыстық, сүңгуір қайық жойғыш, атом қарулы, т.б. түрлерге бөлінеді. А. 100-ге жуық ұшақтардың өз палубасынан ұшуы мен қонуын қамтамасыз ете алады. Қазақстан Қарулы Күштерінде А. әзірше қолданыста жоқ (1998).