Алтыға дейін бала ерке,
Алпыстан кейін шал ерке.
Ат қартайса, ұрыншақ болады,
Ер қартайса, ұмытшақ болады.
Ат қартайса, есекпен достасады,
Ер қартайса, төсекпен достасады.
Алпысқа келген адамның,
Алты түрлі реңі.
Айнымайды жылқының,
Торысы мен күреңі.
Адам жас шағында бір бала,
Қартайғанда бір бала.
Ат мініп, атан жетелеп,
Келмейді сірә, кәрілік.
Күтпейді оны көпшілік
Сағынып не тарығып.
Аз жасаған не білер?
Көп жасаған со білер.
Асарын асап, жасарын жасаған.
Атты жасқа сынат, жасты кәріге сынат.
Асырайтын жас болса,
Өлетүғын кәрі жоқ.
Алтын табылса,
Түйерге түйіншек табылмайды.
Азға қанағат, көпке шүкір.
Алпыс — дер шағы,
Жетпіс — мер шағы,
Сексен — жер шағы,
Тоқсан — шер шағы,
Жүз — көр шағы.
Алпысқа келгенде,
Алты ағаң болсын.
Жетпіске келгенде,
Жеті інің болсын.