Қашпақ-қумақ ерге сын,
Көшпек-қаңбақ елге сын.
Қол күрек — шабуылда,
Қалқаның, бекіністе қорғаның.
Қанды соғыс ерге сын,
Қаптаған жау елге сын.
Қорқақ қол бастай алмайды.
Қорқақтың қолы қысқа.
Қорқақтың көзі үлкен,
Ақымақтың сөзі үлкен.
Қорқақтың сылтауы қойнында,
Басын сақтау ойында.
Қорықсаң құның болмайды,
Жауды жеңбей тыным болмайды.
Қылышты қорқақты,
Сойылды батыр соғыпты.
Қашпай қорқайын ба?
Қорқаққа қылыш жұмсаудың қажеті жоқ.
Қорқақ ер болмайды,
Кола зер болмайды.
Қашпақ болсаң зымыра.
Қашқанды қума.
Қорықсаң қасқыр Інінің аузына барып жат.
Қорқақты қуа берсең, батыр болады.
Қорқарың бар қосты неге тонайсың.