Құмға сіңген су сияқты жоғалған 130 ру
Ашаршылық жылдары, орта-ұсақ 130 рудың шежіресі тоқтапты! Яғни осыншама тайпаның өкілдері арамызда жоқ, қазір! Сұмдық иә?!
Иә, -дейміз де, қоямыз ғой. Ал армяндар болса, кезіндегі түрік қуғынында жоғалтқан 10%-ын даулап, ол проблеманы әлемдік деңгейге көтеріп жіберді. Қазақ: 10 емес 70%-нан айырылыпты. «Геонцид» деп жар салу былай тұрсын, аштық болды дегенді айта алмай жүрміз ғой.
Айтпақшы, 130 ру дегенді қайдан алдың,- дейсіз ғой?! Америкалық ғалым, Сара Камэронның дерегінен алдым. Ол кісі – тура «пазл» секілді, мынадан кейін мынау деп, рулардың шежіресін құрастырған. 1933-ші жылға келгенде, 130 руды таппай қапты. Анау шежіре парағында 130 рудың орны үңірейіп қалып кеткен ғой. Бұл шетелдіктің зерттеуі. Егер, шежірені өзіміз ақтарсақ, одан да үлкен шыңырауды көрер ме ек? Айтпақшы, біздің ашаршылықты қазақтан гөрі осы шетелдіктер, әсіресе америкалық, польшалық ғалымдар көбірек зерттепті. Парадокс, иә?!
Нұрбек Бекбау