Рахат іздесең, бейнетінен қорықпа,
Қуаныш іздесең, қайғысынан қорықпа.
Рахаттың түбі – кейіс,
Мехнаттың түбі – кеніш.
Сағадағы су ішеді, аяқтағы у ішеді.
Соры бар жігітке сортаң жер жолығар,
Айналасы ойпаң жер жолығар.
Сынық арба көп кешер.
Сабақты ине сәтімен.
Сыпа болсаң, төреңнің қасында бол,
Дихан болсаң, егісіңнің басында бол.
Серт берген шегінбес,
Еңбектенген ерінбес.
Сыпырғы келсе шаң қашар.
Сөз қуған пәлеге жолығар
Шаруа қуған дәулетке молығар.
Сен бұтаны көтерсең,
Бұта сені көтереді.
Су келтірер бір кісі,
Егін егер мың кісі.
Сен істі сүйсең,
Іс саған бас иеді.
Сұлу болып не керек,
Шайһау сұлу болған соң.
Шебер болу не керек,
Селкеу шебер болған соң.
Сөз қуған пәлеге жолығады,
Жол қуған қазынаға жолығады.
Су жұмсақ, тамшылап тасты теседі,
От жұмсақ, темірді балқытады.
Саусақ бірікпей, ине ілікпейді.
Саусақ ашсаң – қылдырық,
Жұмсаң – жұдырық.
Сөзің қысқа болсын,
Қолың ұста болсын.
Сарғая сақтасаң, қызара бертесің.
Тау белгісі тас болар,
Бай белгісі ас болар,
Азған елдің белгісі –
Бір – біріне қас болар.
Тамыр тартқан тарықпас.
Там жамауы – топырақ.
Тамыздығын тапсаң, тас та жанады.
Тамырың қашса тары ек,
Келер жылы тағы ек.
Тамырың келер қасыңа,
Қайыры тиер басыңа.