Ботагөз Садуақасова
Ұстаздарға

Құтты болсын мерекеңіз, ұстаздарым ардақты!
Білімімен сусындатып, оқытатын сабақты.
Еңбекке де баулисыздар, тәртіпке сап біздерді,
Бол дейсіздер әрқашанда талантты да, талапты.
Осы өмірде ұстаз болу мақтаныш деп санаймын,
Келе қоймас қолынан білім беру талайдың.
Бар уақыты өтеді шәкірттердің жанында,
Үлгі тұтып, таңданып, қызыға да қараймын.
Қарап тұрсақ ұстаз болу қандай қиын шынында,
Жай күндерде байқамаймыз, аңғармаймыз мұны да.
Шәкірті үшін әр күн сайын қанша шашын ағартты,
Тіпті, олардан білім алған ақындар да, ғалым да.
Мың да бір алғыс айтамын, ұстаздарым сіздерге,
Болашаққа үміт артып, сенесіздер біздерге.
Көрінсек деп биіктерден тырысып біз келеміз,
Қиындықты артқа тастап, білімменен жеңерміз!