ҚЫЗДАР

Әнбісің төсі алқынған,

Таңбысың көкке шарпылған,

Көгілдір үйрек көп қыздар

Көлбеңдеп өткен алдымнан.

Бала қаз ба еңдер талпынған,

Шағала ма ендер шарқ ұрған.

Бұлаңдап өткен сыр андап,

Сылаңдап өткен алдымнан.

Аққудай мұнда қыздар ақ,

Тоймайды көзің жүз қарап.

Мұзбалақ болсаң білесің,

Ілерсің болсаң мұзбалақ.

О, қыздар, бәрің тербедің,

Көкке ұштым зулап жерде едім.

Домбыра ем, күйлі төсіме

Байладың шешен перне мың.

Байладым қанат болаттан,

Самғаса дауыл боратқан.

О, қыздар — қаздар алдымнан,

Дүрлігіп ұшып баратқан…