Перейти к содержимому
- Ақылсыз бас аяққа тыным бермейді, сәурік айғыр саяққа тыным бермейді.
- Ашу шабыстырады, ақыл жарастырады.
- Алтыннан қымбат сөз айтсаң, ақымақ құлақ аспайды.
- Ауызы дәм білмегеннің мұрны иіс білмейді.
- Ақымақ бас – аяқтың соры.
- Ақымақты үйрету – өліні тірілту.
- Ақымақтың алды-арты болмайды.
- Ақымақ астан жеріп аштан өледі.
- Ақыл – азбас байлық
- Ақылды адам ақымақтан да бірдене үйренеді.
- Ақылдыға жан қымбат, ақылсызға мал қымбат.
- Ақылдыға айтса біледі, наданға айтса күледі.
- Ақылға ишарат, ақымаққа тоқпақ.
- Ақыл алсаң азбассың, көпті көрген көнеден.
- Ақылдыға жақындас, ақылсыздан басынды алып қаш.
- Ақылдыны алысым деме, ақылсызды жақыным деме.
- Ақылдының алдымен жүр, ақылсыздың артымен жүр.
- Ақылдының алды – ағып жатқан дария,
Сараң адамның алды –
Қу тақыр, шөл дала. - Ақылдының сөзі қысқа, айта қалса – нұсқа.
- Ақылсыз айтпасаң білмейді, ашпасаң көрмейді.
- Ақылды деп айтса болар, айттырмай өзі білгенді.
Жомарт деп айтса болар, сұратпай өзі бергенді. - Ақылды көндім десе, ақымақ жеңдім дейді.
- Ақымақпен астаспа, ақылдымен қастаспа.
- Ақылы аздың-азабы көп.
- Ақылды мақтанса, істі тындырар, ақымақ мақтанса, аяғын сындырар.
- Ақыл ойдан артық емес.
- \Ақыл таппайтн амалы жоқ, атқыш бұзбайтын қамалы жоқ .
- Ақымақ жауынды күні суға түсер.
- Ақылы көптің ғажабы көп.
- Ақыл таппайтын амалы жоқ, ақылсыз сөзде самал жоқ.
- Ақымаққа арнап заң жазылмас.
- Ақымақ атқа мінсе, атасын басып кете жаздайды.
- Ақымақтың айтқаны келмейді , сандырағы келеді.
- Ақымақ та ақыл болмайды, сөзінде татым болмайды.
- Ақымаққа жылтырағанның бәрі алтын.
- Ақылсыз қайрат азап.
- Ақымақ ойбай салар, ақылды ойға қалар.
- Ақымақ бастан ақыл шықпайды, ақыл шықса да, мақұл шықпайды.
- Ақымақтық – аңқаулықпен дос,
Жаңғалықтық- жалқаулықпен дос . - Ақылды қарт айып іздемейді.
- Ақылды бақырды да бағалайды, ақымақ алтынды да қаралайды.
- Ақылы алқымынан аспаған.
- Ақылы аузында, көзі төбесінде.
- Ақыл арымас , алтын шірімес.
- Ақыл – аста ,
Қайрат – жаста,
Асыл – таста. - Ақыл – дария , жер – қазына.
- Ақыл – дария, алсаң да таусылмайды,
Жер – қазына саусаң да таусылмайды. - Ақылды жігіт атқа да отырар , таққа да отырар.
- Алтыннан артық сөз айтсаң , ақымақ көңіл қоймайды.
- Ақылды жылдығын, ақымақ күндігін ойлайды.
Просмотр: 187