АҚЫЛ, АҚЫМАҚТЫҚ ТУРАЛЫ МАҚАЛ-МӘТЕЛДЕР

Ulagat

  1. Ақылдыға айтқан сөз – құлағының астында,
    Ақымақ айтқан сөз – құба қырдың астында
  2. Ақымақ атының арығанын білмес,
    Көсе жасының қарығанын білмес.
  3. Ақымақтың ақырына бақ,
    Тентектің мақұлына бақ.
  4. Ақыл – кеңес әмір емес.
  5. Ақыл – гауһар бағасыз.
    Ақымақ – ауру дауасыз.
  6. Ақылды адам ерінбейді, қуаттты адам сүрінбейді.
  7. Ақылың болса ақылға ер, ақылың болмаса нақылға ер.
  8. Ақылың болса, ұзақ жерге сапар шек,
  9. Ақылға ақыл қос, ашуыңды тос.
  10. Ақылды қыз білімге жүгірер, ақылсыз қыз сөзге ілінер.
  11. Ақылсыз адам менмен келер, ақылды адам кеңінен келер.
  12. Ақыл – сөзде, мейір – көзде.
  13. Ақымаққа тапсырылған іс, жіптің ұшына жоғалтқанмен бірдей.
  14. Ақыл дария, көңіл дүл дүл.
  15. Ақылдың өлшемі парасат.
  16. Ақымақпен ас ішкенше, ақылдымен тас көтер.
  17. Аққа жаққан шырақты, ақылсыз үрлеп өшіре алмайды.
  18. Ақылды жел де ұшыра алмас, ұры да ұрламас.
  19. Ақылсыз сұрақ беріп,ақылсыз жауап күтпе.
  20. Ақыл айнымас, алтын шірімес.
  21. Ақыл базарда сатылмас.
  22. Ақыл бастайды, аяқ тастайды.
  23. Ақылдассаң, ақыл табасың.
  24. Ақылды мың жасар, ақымақ бір жасар.
  25. Айла – алтау, ақыл – жетеу.
  26. Ақыл азбайды, білім тозбайды.
  27. Ақылсыз жігіт – ауыздықсыз атпен тең.
  28. Ақылы жоқ жаманға, ауыл маңы бұралып қалады.
  29. Ақымақ бұзуға бар, түзеуге жоқ.
  30. Ақымаққа айтқан сөз зая кетер.
  31. Ақымаққа айтқан сөз – ағып жатқан сумен тең,
    Ақылдыға айтқан сөз – қолға ұстаған тумен тең.
  32. Ақ Еділдің өзі болмасақ та бұлағымыз, ақылды бастың өзі болмасақ та құлағымыз.
  33. Ақымақтың ақылы білегінде, ақылдының ақылы жүрегінде.
  34. Ақымақтың ақылы түстен кейін кіреді, ырыс қайтқанның иті ұры кеткен соң үреді.
  35. Ата-ананың айтқан ақылы,
    Сайрап жатқан жолмен тең.
    Ақылдының айтқаны,
    Таусылмайтын көлмен тең.
  36. Ақымақ жауынды күні суға түсер.
  37. Ақыл – алтын сандық, адамына қарай ашылар.
  38. Ақыл бітпес дәулетке, ақылы аздың – азабы көп.
  39. Ақылсыз қайрат бас жарар.
  40. Ақылы жоқтың – арманы жоқ.
  41. Ақылы жоқ адамға адырайған көз бітер,
    Дуасы жоқ ауызға сылдыраған су бітер.
  42. Ашулы баста ақыл жоқ.
  43. Арықтың соорпасында дәм болмайды, ақымақтың сөзінде мән болмайды.
  44. Ақыл айт ұққанға:
    Айтып-айтпай не керек,
    Құлағына мақта тыққанға.
  45. Ақылдыдан шыққан сөз, аңсағанға болсын кез.
  46. Ақылы асқан жақсыны асылым деп ойлама,
    Ақылы жоқ жаманды – жақыным деп ойлама.
    Бір сынаған жаманды екінші қайтып қинама,
    Ашуланса мерт қылар, жолбарыспен ойнама.
  47. Ақылды басшың болса, адаспассың.
  48. Айтар нақылы жоқтың, табар ақылы жоқ.
  49. Аштың ақылы тамағында, жаяудың ақылы табанында.
  50. Аңқау бөрі қой үркітеді, ақылсыз адам ел үркітеді.
Просмотр: 925

Добавить комментарий

Ваш адрес email не будет опубликован. Обязательные поля помечены *