Мектеп оқушыларына арналған Science Stars ғылыми конкурсы

Ғылыми өнертабысты, факті, теорияны немесе жобаны қазақ немесе орыс тілінде үш минутта бір қауым елге түсіндіріп бере  аламын деп ойлайсыз ба? Ондай болса, біздің конкурсқа қатыс!   

Конкурсқа  технология, инженерия, медицина, биология, химия, физика және математикаға қызығушылығы бар кез-келген  9, 10 немесе 11 сынып оқушылары мен колледждің 1 немесе 2 курс студенттері қатыса алады. Өтініштер тек жеке тұлғалардан ғана қабылданады, топпен түскен өтініштерді әділ қазылар алқасы қарастырмайды. 

ҚАТЫСУ ҮШІН ОНЛАЙН ӨТІНІШ БЕРУ КЕРЕК

1. Келесідей: технология, инженерия, медицина, биология, химия және математика ғылым салаларының бірінде бейнетаспа жазып, онда кез-келген ғылыми өнертабыс, деректер, теория немесе  ғылыми жоба жөнінде айтып беру керек. Бұл бейнетаспаны  Youtube, Vimeo немесе басқа сайтта жариялаңыз.
2. 2019 ж. қаңтардың 11-не дейін онлайн-өтініштің үлгісін қазақ  немесе орыс  тілінде толтырып, бейнетаспаның сілтемесін қоса жіберіңіз. 
3. Қазақ тілінде онлайн-өтініштің үлгісіне сілтеме: https://www.surveymonkey.com/r/ScienceStarsKZ-18 
4. Орыс тілінде: https://www.surveymonkey.com/r/ScienceStarsRU-18
5. Біз сіздің электрондық поштаңызға өтінішіңіз түскені туралы растаманы жіберіп, келесі қадамыңыз туралы қосымша ақпаратты хабарлаймыз.

Егер сіздің сұрақтарыңыз туындап, қиналсаңыз бізге famelab@kz.britishcouncil.orgмекен-жайы бойынша жазуыңызға болады.

МҰНАН КЕЙІН НЕ ІСТЕУІМІЗ КЕРЕК?

Егер сіз алдын-ала іріктеуден өтсеңіз, сізді коммуникация дағдылары бойынша бір күндік шеберлік  сабағына шақырады. Мұнда сіз финалға кірмес бұрын, таныстырылым дағдыларымен таныс бола аласыздар. Егер сіздің бейнеөтінішіңіз іріктеуден өтсе, сізге егжей-тегжейлі ақпарат жіберіледі. Конкурстың ақтық сыны мен шеберлік сабағы Астана қаласында 2019 жылдың наурыз айында өтеді. 

ЖҮЛДЕЛЕР МЕН МАРАПАТТАУЛАР

• 1 орынның жүлдесі — ноутбук
• 2 және 3 орын үшін жүлделер — iPad
• Ақтық сынға шыққан барлық қатысушылар OYLA журналына жылдық жазылым мен белгілі кітап дүкендері желісінен сыйлық сертифаттарға ие болады. 

ЕРЕЖЕЛЕР МЕН БАҒАЛАУ ӨЛШЕМДЕРІ 

Өтініш бергенге дейін конкурс ережелері мен бағалау критерийлерін  мұқият оқып шығыңыз.

Өтініштер 2019 жылдың 11 қаңтарына дейін қабылданады.