«Мұғалімдер мен тәрбиешілерді негізсіз тексерулерден, қажетсіз жұмыстардан босату керек. Оларға бұл үшін ешкім ақша төлемейді. Олар ол тапсырмамен жұмыс істеп, дайындалуы керек қой, ал үшін мұғалімдерге ешқандай қаражат төленбейді»,-деді Назарбаев.
«Келесі жылы «Мұғалім мәртебесі туралы» заң әзірлеп, қабылдау қажет деп есептеймін.
Ол мұғалімдер мен мектепке дейінгі ұйымдардың қызметкерлері үшін барлық ынталандыруды, жұмыс жүктемесін қысқарту және күтпеген тексерулер мен негізсіз функциялардан қорғауды қарастыруы тиіс. Назарбаев зияткерлік мектебіндегі оқыту жүйесі мен әдістемесі мемлекеттік мектептер үшін бірыңғай стандарт болуы тиіс. Бұл мектептегі білім беруді реформалаудың соңғы кезеңі болады. Білімді бағалау жүйесі халықаралық стандарттарға негізделуі керек. Орта мектептен бастап балаларды талап етілетін мамандықтарға бағыттап, кәсіби диагностика жүргізу маңызды. Бұл жеке оқу жолын құруға және оқушы мен мұғалімнің жұмыс жүктемесін азайтуға мүмкіндік береді»,-дейді мемлекет басшысы.
Сондай-ақ, Назарбаев еліміздегі балабақша қызметіне де бірқатар өзгеріс енгізуді тапсырды.
«Бала қауіпсіздігінің маңыздылығын ескере отырып, барлық мектептер мен балабақшаларды бейнебақылау жүйелерімен жабдықтандырып, мектеп психологтарының жұмысын күшейтуге және басқа да дәйекті шараларды іске асыруды тапсырамын. Мектепке дейінгі білім беру сапасын түбегейлі жақсарту қажет. Ойлау, ақыл-ой мен шығармашылық қабілеттердің негіздері, жаңа дағдылар ерте балалық шақта қалыптасады. Білім берудегі баса назар 4K моделіне ауысады: шығармашылықты дамыту, сыни ойлау, қарым-қатынас дағдылары және командамен жұмыс істеу қабілеті. Бұл салада біліктілік талаптарын, оқыту әдістерін, тәрбиешілер және басқа балабақша қызметкерлеріне еңбекақы төлеу жүйесін қайта қарау қажет»,- деді елбасы.
Сонымен қатар, елбасы жоғары оқу орындарында оқыту сапасына қойылатын талаптардың артатын айтты.
«Жоғарғы оқу орындарында білім беру мекемелеріндегі оқыту сапасына қойылатын талаптар артады. Біз грант санын көбейттік, енді жауапкершілікті арттыру уақыты келді. Университеттің табыстылығын бағалаудың негізгі критерийі – бітіргеннен кейін түлектерді жұмысқа орналастыру және олардың жоғары ақы төленетін жұмыс орындарында жұмыс істеуі. Сондай-ақ, елімізде жоғары оқу орындарын біріктіру саясатын жүргізу қажет. Білім нарығында тек жоғары сапалы білім беретін университеттер ғана қалуы керек. Әлемдегі жетекші университеттермен серіктестік қарым-қатынастарды дамыту, Назарбаев университетінің тәжірибесі бойынша ең үздік шетелдік жетекшілерді жұмысқа тарту маңызды»,-деді елбасы.