АҒАШТЫҢ ТҮБІ БІРГЕ, БҰТАҚ БАСҚА

АҒАШТЫҢ ТҮБІ БІРГЕ, БҰТАҚ БАСҚА

Ағаштың түбі бірге, бұтақ басқа,
Ұқсайды адам ата сол ағашқа.
Қанжығалы Ішпектен есіп жүріп,
Жапардан айырыламыз төрт арыс та.

Жиестен тарайды екен менің атам,
Әлдеуін батыр екен одан туған.
Баласы Әлдеуіннің Арқа батыр,
Ақшадан асып туған ер Бөгенбай.

Ел қамын Едігедей жер Бөгенбай,
Қалмақты қысқа түнде қырық шапқан.
Тұраналы Бөкеңнің бел баласы,
Би Бапан одан туған ел данасы.

Бапаннан Саққұлақтай атам туды,
Қазақтың атын білмес қай баласы.
Сәкеңнен менің әкем Нұралы туды,
О дағы ата-бабам жолын қуды.

Тіреліп ақырғы өмір Олжабайға,
Жегізді ащы тұрмыс, заһар уды.
Атандым бақытты Олжабай, сорлы Олжабай,
Болсам да сол заманда Көкшетаудай [7].