Тіршіліктің тұрағы.
Баяны бар.
Талықсысаң, тау-тасын сая қылар.
Жер деген – бір тірі Адам,
Оның-дағы
Басы, көзі,
Қолы мен аяғы бар.
Тіршіліктің
Тоқтамас арман әні,
Қанша қырғын сорлатты сар даланы.
Жер деген – бір тірі Адам,
Түсінгенге
Күрсінеді,
Жылайды,
Зар қағады.
Нағыз Ерлер қолына ту алады,
Дала соған жұбанып,
Уанады.
Жер деген – бір тірі Адам,
Түсінгенге
Күлім қағып,
Шаттанып,
Қуанады.
Еңбек еткен ешқашан ерінбейді,
Шабан қыран
Шау тартса, жем ілмейді.
СЕРІК ТҰРҒЫНБЕКҰЛЫ