Октябрьде өмірге
Жаңадан тың жол алып,
Алғыс айтып Ленинге
Адымдады балалық.
Саусағын жайған сәбиге
Ильичтің нұры құйылды.
Балалық – көктем әр үйде
Балапан құстай жүгірді.
Бауырында ананың
Білмей өсті қайғыны.
Құшағында Дананың
Балалық тұрды май күні.
Советтік ұлы заманда
Балалық гүлдей құлпырды.
Күлімдеп Қызыл алаңда
Биыл да бізбен бір тұрды.
Жайнап нұры жүзінде
Бал өмірлі – бала шақ;
Барады коммунизмге,
Бақытты біздің болашақ.
Сырбай Мәуленов