(Бірінші жарыққа шыққан өлеңім үшін)
…Не болар екем, япырай!
Қызбысың әлде ұлмысың?
Болмады тыныш көңіл жай,
Туғанша қашан тұңғышым.
Бебеулеп ұзақ толғаттым,
Қиналдым, қайтем, туа алмай.
Жаныммен әлек боп жаттым,
Жүрегім күліп қуанбай.
Шыр етіп кенет түңғышым
Ашты дүние есігін.
Сайраған сәби жыл құсым,
Іңгәлап іздейді несібін.
Тұңғышым, ер жет, қанаттан,
Өмірге жаңа сый әкел!
Қақ қанатты, талаптап!
Не болса да тәуекел!
Мұқағали Мақатаев