АРЫҚТЫ — Ақмола облысы Қорғалжын ауданындағы ауыл, Арықты ауылдық округініңорталығы. Аудан орталығы — Қорғалжын кентінен солтүстік-шығысқа қарай 39 км, Астана қаласынан оңтүстік-батысқа қарай 89 км-дей жерде, Арықты көлінің солтүстік-батыс жағасында орналасқан. Бұрынғы кеңшар негізінде “Садырбай” жауапкершілігі шектеулі серіктестік жұмыс істейді. Ауылда қазақ орта мектебі, емхана, аурухана, клуб бар. Тұрғындары елді мекендермен ауданаралық автомобиль жолы арқылы қатынасады.