АҚБАС, д а л а з ы ғ ы р ы (Galatella) — күрделі гүлділер тұқымдасына жататын көп жылдық шөптесін өсімдіктер. Қазақстанда 16 түрі кездеседі. Оның 4 түрі: жартас А-ы, Тянь-Шань А-ы, истод А-ы, Регел А-ы эндемиктер болып табылады. А. Республикамыздың Тарбағатай, Жоңғар Ала тауы, Сарыарқа өңірлеріндегі, Ақтөбе және Атырау обл-тарындағы тасты шатқалдарда, бұта, ағаш арасында, тау жайылымында, өзен бойларында өседі. Биікт. 20 — 70 см, кейде 120 см-дей болады. Сабағы тік, жоғары жағы бұтақты болып келеді. Оған ұзынша жапырақтары біркелкі кезектесе орналасады. Гүлі қызғылт, көкшіл сары түсті. Гүл шоғыры 6 — 60-қа дейін, кейде 100 гүлден топтасады. Шілде — қыркүйек айларында гүлдейді. Тұқымы біркелкі, сопақша. А-тың кейбір түрлері бау-бақшада сәндік үшін де өсіріледі.