АЙЛЫҚ (Onosma gmelini) — айлауықтар тұқымдасына жататын көп жылдық шөптесін өсімдік. Тобыл — Есіл алабы, Ембі, Торғай, Қарқаралы, Зайсан, Мойынқұм, Қаратау, Жоңғар Алатауында, Күнгей және Теріскей Алатауда өседі. Биікт. 20 — 50 см. Жіңішке тамырынан бірнеше сояулы сабақ өсіп шығады. Гүлі сары, қоңыр түсті болады. Мамыр — шілде айларында гүлдейді. Тамызда дәні піседі. Тамырының сыртқы қабығында түрлі түске бояғыш пигменттер, реңді заттар болады. Олардың ерітіндісі тұнбасынан жүн, жібек бояйтын бояу алынады.