АЗАН (араб. азан — хабарлау, құлақтандыру) — мұсылмандарды намазға шақыру. Дәрет алып болғаннан кейін мұсылман дініндегі адам намазға дайын. Мұхаммед пайғамбар суннасы бойынша намаз уақыты келгенде азан шақырылады. Бұл үшін адам бетін құбылаға – Меккедегі Қаһаба бағытына қаратып, екі қолын құлақ тұсына ұстап, жеті рет дауыстайды. Ислам қағидасыы бойынша бес кақыт намаз мезгілі келген сайын қауым жұртқа хабарлануы керек. Азанды азаншы мешіт мұнарасында тұрып шақырады.