Жаман адамға мал бітсе,
Кетпестей көреді.
Үсті су болса,
Кеппестей көреді.
Жаман сиыр өрешіл.
Жаман сиыр жазда бұзаулайды.
Жақсыға қылған жақсылық,
Өмірінде тозбайды.
Жаманға қылған жақсылық,
Бір күнгідей болмайды.
Жортар аттың тоқтығы жақсы.
Жаудың сырын жау білмес.
Жақсының алдында ізет,
Жаманның алдында күзет.
Жақсылық зая кетпейді,
Жамандық пайда етпейді.
Жақсының өзі өлгенмен, сөзі өлмейді.
Жақсының жанығаны өтер,
Жаманның кайрағаны өтпес.
Жақсының қадірі өлгенде білінер,
Жақсы аттың қадірі мінгенде білінер.
Жақсының жүрген жері — базар,
Жаманның жүрген жері — азар.
Жақсының жаты болмайды,
Жаманның ұяты болмайды.
Жақсының жасын сұрама,
Жүйріктің аузын ашпа.