Денсаулық сақтау – мемлекет саясатының маңызды бағыттары

Денсаулық сақтау – мемлекет саясатының маңызды бағыттарының бірі. Елбасы «Дағдарыстан жаңару мен дамуға» Қазақстан халқына жолдауында денсаулық сақтау ұйымдарының жаңартылуына, ауруханаларға жөндеу жұмыстарын жүргізуге, олардың заманауи құралдармен жабдықталуына, білікті мамандар даярлауға ерекше мән беріп отыр.

Мақалада балаларды емдеу және балалардың стационарларда шетінеуін төмендету жөніндегі жаңа технологиялық әдістерді қолдануды ұйымдастыру жұмыстары берілген.

Стационарлық медициналық көмек көрсету үшін, елімізде барлық ауруханалар Бірыңғай ұлттық денсаулық сақтау жүйесімен жұмыс атқаруда.

Елбасымыз «ХХІ – ғасырда білімін дамыта алмаған елдің тығырыққа тірелері анық» деп айтқанындай,заман талабына сәйкес,бәсекеге қабілетті,сапалы медициналық көмек көрсету үшін,ауруханамыз жыл сайын Республикалық және жергілікті бюджет есебінен бөлінген қаражат арқасында және демеушілік көмекпен қажетті медициналық құрал-жабдықтар,аппараттармен жабдықталады. 2010-2011 жылдар аралығында Республикалық бюджеттен 11 088 800 теңге,

жергілікті бюджеттен 34 115 880 теңге, демеушілік көмектен 21 549 070 теңгеге медициналық құрал-жабдықтар,аппараттар алынды.

Қызылорда облыстық балалар ауруханасы 2002 жылдан бастап,облыс балаларына медициналық көмек көрсетуде.Бiр жылда ауруханадан 7500-нан астам науқас бала ем қабылдап шығады. Олардың 25 пайызы ауыл тұрғындары,70 пайыздан астамы қала тұрғындары.Жас өлшеміне қарай, 39 пайызы 1 жасқа толмаған балалар.

Материалдық-техникалық базамыз жылдан жылға жақсаруда.Емхана мен ауруханада диагностикалық-емдеу жұмыстарын бүгiнгi таңның соңғы жетiстiктерiне сәйкес атқаруға толық мүмкiншiлiктер бар деп айтуға болады.

Зертханада толық түрде клиникалық, биохимиялық, иммунологиялық анализдер жасалынады, сапалық сертификаты алынған.

Биылғы жылы жаңадан алынған аппараттардың, яғни газды анализатор, биохимиялық анализатор, билирубинометр, микроколориметр, фотоэлектрлік фотометр, емдеу-диагностика сапасын жақсартқаны анық, құрсақiшiлiк инфекцияға және басқа жұқпалы ауруларға ИФА тексеруiн жүргiзiп, жаңа антибактериалдық емдер қолданылуда, әсiресе газды анализатордың жұмысы реанимация бөлiмшесiне оң ықпалы көп.

Тыныс алу жүйесiнiң ауруларында “Небулайзер” аппараты кеңiнен қолданылып, антибиотиктер электрофорез әдiсiмен бiрге егiлiп, оң нәтиже алудамыз. Осы жылы алынған жаңа «Биоптрон» аппараты физиоемдердің түрлерін кеңейтті.

Ультрадыбыстық зерттеу кабинетiнде 10 түрлi зерттеулер жасалып, саны былтырғы жылдан 22,4%-ке өстi.Ультрадыбыстық зертеулерiн кеңейтудi, яғни мойын омыртқасының зерттеулерiн еңгiзудi жоспарлап отырмыз. Көру органдарын ультрадыбыстық зерттеу әдiсiмен зерттеудемiз.

Биылғы жылы допплермен зерттеулер жасау эхокардиография тәсiлi еңгiзiлiп,1128 науқас балаға жүрек қан-тамыр жүйесiнiң ауруларын анықтауға оң ықпалын берiп тұр,оның ішінде 47 баладан біріншілік жүрек ақаулары осы зерттеу арқылы, аурулары нақтыланды.

Жапон гранты бойынша алынған гастрофиброскоп аппаратын балалардың асқазан-iшек жолдары ауруларын терең анықтап, емдеу барысына оң ықпал бергенi сөзсiз.

Осы грантпен реанимация бөлiмшесiне алынған кювез және жасанды дем беру аппараты ауыр хәлдегi балаларға жедел көмектiң сапасын жоғарылатып, ауруханаiшiлiк шетiнеу көрсеткiшiн төмендетуге мүмкiншiлiк бердi. Балалар шетінеуін төмендету барысында, емдеу-диагностикалық жұмыстары бүгiнгi таңның соңғы жетiстiктерiне сәйкес атқарылып келеді.Реанимация бөлiмшесiнде ауыр хәлдегi балаларға желдетілген жасанды демдi ұзақ уақытқа және осы жағдайда диоксидин дәрiсiн асқынулардың алдын-алуға пайдалану, жаңа туған нәрестелерде «СИПАП» аппаратын қолдану,жаңадан алынған «Гемофеникс» аппараты арқылы нәрестелерге детоксикация жасау еңгiзілуі ұйымдастырылды.

Аурухананың ұжымы Жаңа әлемдегі, Жаңа Қазақстанның талабына сай,қоғамның белсенді азаматының денсаулығын нығайтуда,серпімді жұмыс жасауда.

Добавить комментарий

Ваш адрес email не будет опубликован. Обязательные поля помечены *