Түлкі мен түйе

Түлкі мен түйе
Түлкі тоғайда түйені көріп, денесі ойқы-шойқы, олпы-солпы екен, бәлки, осыдан бірдеңе түсіп қалар деп алыстан аңдып жүреді.
Бір күні түйе бір өзеннің арғы жағына өтеді.
– Уа, түйе, су терең бе екен? – дейді түлкі.
– Терең емес тізеден ғана.
Тізеден ғана болса терең емес екен деп түйе жаққа өтбек болып түлкі суға түседі. Батып, қылғынып бара жатып түлкі түйеге айқайлайды:
– Тізеден ғана дегенің кәні, мен батып барам ғой?
– Е, сенің тізең мен менің тізем бірдей ме? Өз тізеңе қарамайсың ба? – дейді түйе.

Добавить комментарий

Ваш адрес email не будет опубликован. Обязательные поля помечены *